କ୍ରାନ୍ତିଖଡୁ ନ୍ୟୁଜ ସୁବର୍ଣ୍ଣପୁର :-( ଶାନ୍ତନୁ କୁମାର କର୍ଣ୍ଣ ଙ୍କ ରିପୋର୍ଟ ) ଅସହାୟ ନାରାୟଣ ପାଖରେ ପହଞ୍ଚି କପାରୁନି ସରକାର ଙ୍କ କୌଣସି ଯୋଜନା ! ସରକାର ଗରିବ ଲୋକଙ୍କ ପାଇଁ ସରକାର ପ୍ରଣୟନ କରିଛନ୍ତି ଅନେକ ଜୋଜନା ଉପରେ ଜୋଯନା ।ଯାହାର ଘର ନାହିଁ ତା ପାଇଁ ବିଜୁ ପକ୍କାଘର ହେଉ ବା ପ୍ରଧାନ ମନ୍ତ୍ରୀ ଆବାସ ଯୋଜନାରେ ଘର ଯୋଗାଇ ଦେବାର ବ୍ୟବସ୍ଥା ରହିଛି ।ସରକାରଙ୍କ ଏହି ଯୋଜନା ଏକ ଲୋକାଭିମୁଖୀ ଯୋଜନା ହେଲେ ମଧ୍ୟ ପଂଚାୟତ କର୍ତ୍ତୃପକ୍ଷଙ୍କ ଦାୟିତ୍ୱରେ ଅବହେଳା ବା ମନମୁଖୀ କାର୍ଯ୍ୟ କାରଣରୁ ପ୍ରକୃତ ହିତାଧିକାରୀ ଯୋଜନାର ସୁଫଳ ପାଇବାରୁ ବଞ୍ଚିତ ହେଉଛନ୍ତି । ଏହିଭଳି ଏକ ଘଟଣା ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ କାଦୋଦର ପଞ୍ଚାୟତ ର ବମରାଜ୍ ଗ୍ରାମରେ ।ସୂଚନାଅନୁସାରେ ଏହି ଗ୍ରାମରେ ବାସ କରନ୍ତି ନାରାୟଣ ବହିଦାର ,ପରିବାର କହିଲେ ତାଙ୍କ ସ୍ତ୍ରୀ ଅନୁଷୟା ଓ ତିନି ବର୍ଷ ର ଗୋଟେ ଝିଅ । ନାରାୟଣ ପେଶାରେ ଜଣେ ରାଜମିସ୍ତ୍ରୀ । ସେ ଦୁଇ ବର୍ଷ ତଳେ ଏକ ବାଇକ ଦୁର୍ଘଟଣା ରେ ମେରୁଦଣ୍ଡ ଭାଙ୍ଗିଯାଇଥିବାରୁ ସବୁଦିନ ପାଇଁ ପଂଗୁ ହୋଇଯାଇଛନ୍ତି। ପ୍ରଥମେ ସୁବର୍ଣ୍ଣପୁର ଜିଲ୍ଲାର ମୁଖ୍ୟ ଡାକ୍ତରଖାନାରେ ଚିକିତ୍ସା ହେଲାପରେ ଭଲ ନ ହେବାରୁ ବୁର୍ଲା ଡାକ୍ତରଖାନାରେ ଭର୍ତ୍ତି ହୋଇଥିଲେ ।ସେଠାରେ ତାଙ୍କର ମେରୁଦଣ୍ଡ ଭାଙ୍ଗିଯାଇଛି କହି ତାଙ୍କର ମେରୁଦଣ୍ଡ ରେ ଅସ୍ତ୍ରୋପଚାର କରାଗଲା, ମାତ୍ର ତାହା ସଫଳ ନ ହେବାରୁ ସେ ଏବେ ସବୁଦିନ ପାଇଁ ପଙ୍ଗୁ ହୋଇ ଏବେ ତିନି ଚକିଆ ସାଇକେଲ ହିଁ ତାଙ୍କ ଆଶ୍ରୟ ।ଅସହାୟ ନାରାୟଣ ଅଭାବ ଅନାଟନ ମଧ୍ୟରେ ଦିନ କାଟୁଥିବା ବେଳେ ସରକାର ଙ୍କ କୌଣସି ଜୋଜନା ମଧ୍ୟ ମିଳି ପାରୁ ନାହିଁ । ଉଚ୍ଚ ଚିକିତ୍ସା ପାଇଁ ସାହାଯ୍ୟ ତ ଦୂରର କଥା ରହିବାକୁ ଖଣ୍ଡେ ଘର ମଧ୍ୟ ସରକାର ଆଜି ପର୍ଯ୍ୟନ୍ତ ଯୋଗାଇ ପାରି ନାହାଁନ୍ତି । ଖରା , ବର୍ଷା ,ଶୀତ ସବୁ ତାଙ୍କର ସେହି ପଲିଥିନ୍ ଟଣା ଘରେ କଟୁଛି ଦିନ ।ଦଇବ ଯେମିତି ତାଙ୍କ ଭାଗ୍ୟ ସହିତ ଖେଳୁଛି ।ତାଙ୍କ ବାପାଙ୍କର ଆଗରୁ ଦେହାନ୍ତ ହୋଇଥିବାବେଳେ ଏବେ ନାରାୟଣ ଅସହାୟ ଅବସ୍ଥାରେ ଦିନ କାଟୁଛନ୍ତି ।ଏପରିକି ରହିବାକୁ ଘରଖଣ୍ଡିଏ ମଧ୍ୟ କରି ପାରିନାହାନ୍ତି ।ଘର ଖଣ୍ଡିଏ ପାଇଁ ପ୍ରଶାସନ ପାଖରେ ଅନେକ ହାରି ଗୁହାରୀ କରିଥିଲେ ମଧ୍ୟ ମିଳିପାରିନାହିଁ କୌଣସି ସୁଫଳ ।ଏବେ ସରକାର ଙ୍କ ମାଳ ମାଳ ଯୋଜନା ସତ୍ତ୍ୱେ ଅସହାୟ ନାରାୟଣଙ୍କ ଦୁଃଖ ଦୁର୍ଦଶା କାହାରି ନଜରକୁ ଆସିନାହିଁ । ସେହି ଯୋଜନା ଉଚିତ୍ ହିତାଧିକାରୀ ନ ପାଇ ଯେମିତି ବାଟ ମାରଣ ହୋଇ ଯାଉଛି । ଅଶହାୟ ନାରାୟଣ ର ଦୁଃଖ ଦୁର୍ଦ୍ଦଶା କୁ ସରକାର କାନରେ ଟିକେ ଶୁଣି ଘର ଖଣ୍ଡିଏ ଯୋଗାଇ ଦେବା ସହିତ ଉଚିତ୍ ଚିକିତ୍ସା ଯୋଗାଇ ବାକୁ ସାଧାରଣ ରେ ଦାବି ହେଉଛି । ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ରୁ :ଶାନ୍ତନୁ କୁମାର କର୍ଣ୍ଣ ଙ୍କ ରିପୋର୍ଟ କ୍ରିନ୍ତିଖଡୁ