କ୍ରାନ୍ତିଖଡୁ ନ୍ଯୁଜ :-ଖାଇବା ତେଲ ଦରବୃଦ୍ଧି ଖାଉଟି ହନ୍ତସନ୍ତ (ରିଙ୍କୁ ଦେବତା ଙ୍କ ରିପୋର୍ଟ) ଖାଇବା ତେଲ ଓ ଡାଲି ଜାତୀୟ ପଦାର୍ଥ ର ଦର ଅସ୍ବଭାବିକ ଭାବରେ ବୃଦ୍ଧି ପାଉଥିବା ରୁ ଖାଉଟି ହନ୍ତସନ୍ତ ହେଉଛନ୍ତି। ସ୍ଥିତି ଏମିତି ହେଲାଣି ଯେ ଶୋରିଷ ତେଲ ରୁ ରିଫାଇନ ତେଲ ବା ସୁର୍ଯ୍ୟମୁଖି ତେଲର ଦର ଅଧିକ ହୋଇଗଲାଣି। ଏହାକୁ ନେଇ ବିଶେଷ କରି ମଧ୍ୟବିତ୍ତ ଓ ଗରିବ ଶ୍ରେଣୀର ଖାଉଟି ଙ୍କ ବଜେଟ ବିଗିଡି ଗଲାଣି। ଖୁଚୁରା ବଜାର ରେ ଏବେ ଶୋରିଷ ତେଲ ଲିଟର ପିଛା ୧୬୦ ଟଙ୍କା ଥିବାବେଳେ ସୂର୍ଯ୍ୟମୁଖୀ ତେଲ ୧୯୦ ଟଙ୍କା ରୁ କମରେ ମିଳୁନାହିଁ। ଖୁବଶୀଘ୍ର ଏହା ଆଗକୁ ବଢିପାରେ ବୋଲି ଦୁକାନି ମାନେ କହିଛନ୍ତି।ଅନୁରୁପ ଭାବେ ପାମ୍ ତେଲ ମଧ୍ୟ ୧୪୫ ଟଙ୍କା ହେଲାଣି। ମାତ୍ର ଦୁଇ ରୁ ତିନି ମାସ ତଲେ ସୂର୍ଯ୍ୟମୁଖୀ ତେଲ ଲିଟର ପିଛା ୧୬୦ ଟଙ୍କା ଓ ପାମ୍ ତେଲ ୧୨୦ ଟଙ୍କା ଥିଲା। ସେହିପରି ରାହାଡି ଡାଲି ୧୨୦ ଟଙ୍କା,ମୁଗ ୯୦ ଟଙ୍କା,ମୁଗଡାଲି ୧୧୦ ଟଙ୍କା,ମୁସୁରୀ ୯୦ ଟଙ୍କା,ବୁଟ ଏବଂ ଚଣା ଡାଲି୬୦ଟଙ୍କା।ହେଲେ ଏତେ କମ ସମୟ ରେ ଏତେ ଅଧିକ ଦର ବୃଦ୍ଧି‌ ହେବାକୁ ସାଧାରଣ ବର୍ଗ ସହଜରେ ଗ୍ରହଣ କରିପାରୁ ନାହାନ୍ତି। ଅଣ ଜଳସେଚିତ ପଦ୍ମପୁର ଉପଖଣ୍ଡ ଅଞ୍ଚଳ ରେ ଅଧିକାଂଶ ପରିବାର ଶ୍ରମିକ ବା ଚାଷସହ ଜଡ଼ିତ।ଏ ମାନଙ୍କ ମଜୁରୀ ବା ଉତ୍ପାଦିତ ପନିପରିବା ର ମୁଲ୍ଯ ଅତି କମ୍ ଥିବାବେଳେ ବାକିସବୁ ଦର ହୁହୁ ହୋଇ ବଢି ଚାଲିଛି।