ଗରୀବ ଙ୍କ ଗୁହାରି ଶୁଣିବ କିଏ ? ମଣିମା ଗୁହାରି ଶୁଣିବା ହେଉ ,ଏ ଗରୀବ ଡାକ !!! (ରିଙ୍କୁ ଦେବତା ଙ୍କ ରିପୋର୍ଟ )ପଲିଥିନ ତଳେ ଦିନ କାଟୁଛନ୍ତି ଅସହାୟ ବୃଦ୍ଧା ଦମ୍ପତ୍ତି !ଓଡିଶା ସରକାର ଯୋଜନା ପରେ ଯୋଜନା ପ୍ରସ୍ତୁତ କରୁଛନ୍ତି ହେଲେ ପ୍ରକୃତ କ୍ଷେତ୍ରରେ ପ୍ରକୃତ ହିତାଧିକାରୀଙ୍କ ପାଖରେ ପହଞ୍ଚୁ ନାହିଁ ! ତାହା ବାଟବରଣା ହେବାଯୋଗୁଁ ଆଜି ଏକ ଅଭାବନିୟ ଦୃଶ୍ୟ ଦେଖିବାକୁ ମିଲିଛି । ଗାଇସିଲେଟ ବ୍ଲକ ଅନ୍ତର୍ଗତ ଗୁଦେରପାଲି ଗ୍ରାମ ପଞ୍ଚାୟତ ର ବେହେରାବାହାଲି ଗ୍ରାମ ରେ ଆସହାୟ ଦମ୍ପତ୍ତି ତାଙ୍କର ପୁଅ ‐ଝିଅ କେହି ନ ଥିବା ସହ ଜମିବାଡି ମଧ୍ୟ କିଛି ନାହିଁ !ବୃଦ୍ଧ ଦମ୍ପତି ଠିବୁ ପ୍ରଧାନ (୭୪) ଏବଂ ତାଙ୍କ ପତ୍ନୀ ଵାଲମତି ପ୍ରଧାନ (୭୨) ଦୀର୍ଘ ବର୍ଷ ହେଲା ପଲିଥିନ ତଳେ ଜୀବନ ବିତାଉଛନ୍ତି। ପରଘରେ କାମ କରି ଦି ମୁଠା ପାଇଯାଉଥିଲେ !ହେଲେ ପ୍ରାୟ ୧୦/୧୧ବର୍ଷ ହେବ ବୃଦ୍ଧ ଠିବୁ ପ୍ରଧାନ ପକ୍ଷାଘାତ ରୋଗରେ ଆକ୍ରାନ୍ତ ହୋଇ ଶଯ୍ୟାଶାୟୀ ହୋଇପଡିଛନ୍ତି । ଏହା ପରେ ତାଙ୍କ ପତ୍ନୀ ପରଘର କାମ କରିବା କୁ ସମୟ ପାଉ ନାହାଁନ୍ତି । ଦିନରାତି ତାଙ୍କ ସ୍ବାମୀ ଶଯ୍ୟାଶାୟୀ ଠିବୁ ଙ୍କ ସେବାରେ ଲାଗୁଛନ୍ତି । ଖରା ହେଉ କି ବର୍ଷା ହେଉ ବୃଦ୍ଧ ଦମ୍ପତି ପଲିଥିନ ଢାଙ୍କି ହୋଇ ବିତାଉଛନ୍ତି ଜୀବନ। ସରକାରୀ ସହାୟତା କହିଲେ ୩୫ କିଲୋ ଚାଉଳ ଓ ଉଭୟ ଙ୍କ ଭତ୍ତା ୧୦୦୦ ଟଙ୍କା। ପ୍ରଧାନମନ୍ତ୍ରୀ ଆବାସ ଯୋଜନା ର ଘର ଖଣ୍ଡିଏ ପାଇଁ ଉଭୟ ଦମ୍ପତି ସ୍ଥାନୀୟ ଓ୍ବାଡ ମେମ୍ବର, ସରପଞ୍ଚ ଏପରି କି ଗାଇସିଲେଟ ବିଡ଼ିଓ ଙ୍କ ପାଖରେ ମଧ୍ୟ ଟିପ ଚିହ୍ନ ଲେଖା ଦୁଇଜଣ କାକୁତି ମିନତି ହୋଇଥିଲେ ମଧ୍ୟ ଘର ଖଣ୍ଡିଏ ସାତସପନ ହୋଇଛି। ଆଖି ଆଗରେ ସବୁ ଦୁର୍ନୀତି ଦେଖୁଥିବାରୁ ତଥା ବୟସାଧିକ୍ଯ କାରଣରୁ ଏବେ ସେମାନେ କାହାକୁ କିଛି କହୁନାହାନ୍ତି। ପଲିଥିନ ଢାଙ୍କି ହେଲେ ଦିନ ରାତି ସରିଯାଉଛି। ତାଙ୍କୁ ଘର ଖଣ୍ଡିଏ ଯୋଗାଇ ଦେବାକୁ ଆଞ୍ଚଲ ବାସୀ ସରକାର ଙ୍କୁ ଅନୁରୋଧ କରୁଛନ୍ତି। (ଗାଇସିଲେଟ ରୁ ରିଙ୍କୁ ଦେବତା ) କ୍ରାନ୍ତିଖଡୁ