ଚିଖିଲି ଗ୍ରାମ ପଞ୍ଚାୟତ ରେ ଆବାସ ଯୋଜନା ର ଦୁର୍ନୀତି ର ତଦନ୍ତ ପାଇଁ ସାଂସଦ ପ୍ରତିନିଧିଙ୍କ ଦାବି (ଗୁଦେରପାଲି-ରିଙ୍କୁ ଦେବତା ଙ୍କ ରିପୋର୍ଟ) ଗାଇସିଲେଟ ବ୍ଲକ ଅନ୍ତର୍ଗତ ଚିଖିଲି ଗ୍ରାମ ପଞ୍ଚାୟତ ରେ ପ୍ରଧାନମନ୍ତ୍ରୀ ଆବାସ ଯୋଜନା ରେ ଦୁର୍ନୀତି ହୋଇଥିବାର ପରିଲକ୍ଷିତ ହେଉଛି।ମିଲିଥିବା ଅଭିଯୋଗ ଅନୁସାରେ ଉକ୍ତ ଗାଁ ର ଅଶୋକ ମହାପାତ୍ର ପିତା-ଘନଶ୍ଯାମ ମହାପାତ୍ର ନାମକ ଜଣେ ହିତାଧିକାରୀ କ୍ରମାଗତ ଭାବରେ ୨୦୧୯-୨୦୨୦ ଓ ୨୦୨୦_୨୦୨୧ ବର୍ଷରେ ଦୁଇଥର ପ୍ରଧାନମନ୍ତ୍ରୀ ଆବାସ ପାଇ, ସଂପୂର୍ଣ୍ଣ କରି ପୁରା ଟଙ୍କା ନେଇଥିବା ବେଳେ ଅଶ୍ବିନୀ ଦାସ ପିତା କୃଷ୍ଣଚନ୍ଦ୍ର ଦାସ ନାମକ ଜଣେ ବ୍ୟକ୍ତି ୨୦୧୯-୨୦୨୦ ମସିହାରେ ଘର ପାଇଛନ୍ତି। ମାତ୍ର ସେ ଘର ତିଆରି ନ କରି ସଂପୂର୍ଣ୍ଣ ଟଙ୍କା ଉଠାଇ ନେଇଛନ୍ତି।ଏହି ଗ୍ରାମ ପଞ୍ଚାୟତ ରେ ପ୍ରଧାନମନ୍ତ୍ରୀ ଆବାସ ଯୋଜନା ରେ ଆହୁରି ଦୁର୍ନୀତି ହୋଇଥିବାର ଜନସାଧାରଣ ଅଭିଯୋଗ କରିଛନ୍ତି।ଏହା ବ୍ୟତୀତ ବ୍ଳକର ବହୁତ ଯୋଗ୍ୟ ହିତାଧିକାରୀ ଙ୍କ ନାମ ତାଲିକା ରେ ନ ଥିବା କାରଣରୁ ପ୍ରଧାନମନ୍ତ୍ରୀ ଆବାସ ପାଇବାରୁ ବଞ୍ଚିତ ରହୁଛନ୍ତି। ଏଣୁ ସେମାନଙ୍କୁ ଶିଘ୍ର ଯୋଜନା ର ଲାଭ ପାଇବା ପାଇଁ ତାଲିକା ଭୁକ୍ତ କରାଯାଉ ବୋଲି ଆଜି ଗାଇସିଲେଟ ବ୍ଲକର ସାଂସଦ ପ୍ରତିନିଧି ଶ୍ରୀଯୁକ୍ତ ପ୍ରବୀଣ କୁମାର ପାଣିଗ୍ରାହୀ ବରଗଡ଼ ଜିଲ୍ଲାପାଳ ଙ୍କ ଉଦ୍ଦେଶ୍ୟରେ ଗାଇସିଲେଟ ଗୋଷ୍ଠୀ ଉନ୍ନୟନ ଅଧିକାରୀ ନିରଞ୍ଜନ ସା ଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି।