ବୋଝ ଉପରେ ନଳିତା ବିଡା |ଅଗ୍ନି ଦେବଙ୍କ କୋପ କେତେ ଯେ ଭୟଙ୍କର ତାହା କଳନା କରିବା ଅସମ୍ଭବ | ଗୋଟେ ପଟେ କରୋନା ମହାମାରୀର ତାଣ୍ଡବ ଆର ପଟେ ଅଗ୍ନି ଦେବଙ୍କ ପ୍ରକୋପ | କରୋନା ମହାମାରୀ ଯୋଗୁଁ ଜୀବନ ଜୀବିକା ପ୍ରଭାବିତ ହୋଇଥିବା ବେଳେ ଏମିତି ଏକ ଭୟଙ୍କର ବିଭିଷିକା ଦେଖିବାକୁ ମଳିଛି କେନ୍ଦ୍ରାପଡା ଜିଲ୍ଲା ମହାକାଳପଡ଼ା ବ୍ଲକ ଅନ୍ତର୍ଗତ ଗଡରୋମିତ ପଞ୍ଚାୟତ ରୋମିତ ଗ୍ରାମରେ | ଗ୍ରାମର ସାତଟି ପରିବାର ସର୍ବଶାନ୍ତ ହୋଇପଡିଛନ୍ତି | ରୋମିତ ଗ୍ରାମର ଭରତ ମାଝୀ, ଭାରତ ମାଝୀ, ଭୀକାରୀ ମାଝୀ, ସୁରଥ ମାଝୀ, ଜାମ୍ବବାନ ମାଝୀ, ଶୁକାନ୍ତ ମାଝୀ ଓ ଉଲ ମାଝୀଙ୍କର ଚାଳ ଛପର ଘର ଦୁଃର୍ଭାଗ୍ୟ ବସତ ନିଆଁ ଲାଗି ପୋଡ଼ିଯାଇ ସଂପୁର୍ଣ ଧ୍ୱଂସ ହେବା ସହିତ ଘରର ସମସ୍ତ କାଗଜପତ୍ର, ଟିଭି, ଫ୍ୟାନ, ଚାଉଳ, ଧାନ, ପିଲାମାନଙ୍କ ଭବିଷ୍ୟତ ସାର୍ଟିଫିକେଟ, ବାସନ କୁସନ, ଲୁଗାପଟା ଆଦି ପୋଡି ପାଉଁଶ ହୋଇଯାଇଛି | ଖବର ପାଇ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ କରିଥିବା ବେଳେ ସ୍ଥାନୀୟ ପ୍ରଶାସନ ଘଟଣା ସ୍ଥଳରେ ପହଞ୍ଚି ଅଗ୍ନି ବିପନ୍ନ ମାନଙ୍କୁ ଥଇଥାନ କରିଥିଲେ | କେନ୍ଦ୍ରାପଡାରୁ ସୁରେନ୍ଦ୍ର ଜେନାଙ୍କ ରିପୋର୍ଟ, କ୍ରାନ୍ତି ଖଡୁ |