କେନ୍ଦ୍ରିୟ ଅର୍ଥ କମିଶନ ଅନୁଦାନ ହେରଫେର ସରପଞ୍ଚ ନିଲମ୍ବିତ :-(ରିଙ୍କୁ ଦେବତା ଙ୍କ ରିପୋର୍ଟ) :-ବରଗଡ଼ ଜିଲ୍ଲା ଗାଇସିଲେଟ ବ୍ଲକ ଅନ୍ତର୍ଗତ ଗୁଦେରପାଲି ପଞ୍ଚାୟତ ର ସରପଞ୍ଚ ଶ୍ରୀମତି ଉଦିଆଁ ଲୁହା ଙ୍କୁ ନିଲମ୍ବିତ କରାଯାଇଛି। କେନ୍ଦ୍ରିୟ ଅର୍ଥ କମିଶନ (ସିଏଫସି) ଅନୁଦାନ ହେରଫେର ଅଭିଯୋଗରେ ରାଜ୍ୟ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ତାଙ୍କୁ ନିଲମ୍ବନ କରିଛନ୍ତି। ଅନ୍ୟ ପକ୍ଷରେ ନାଏବ ସରପଞ୍ଚ ଗୈାର ପାତ୍ର ଉକ୍ତ ପଞ୍ଚାୟତ ର ସରପଞ୍ଚ ଦାୟିତ୍ୱରେ ରହିବେ ବୋଲି ବରଗଡ଼ ଜିଲ୍ଲାପାଳ ଜ୍ୟୋତିରଞ୍ଜନ ପ୍ରଧାନ ଏକ ବିଜ୍ଞାପ୍ତିରେ ସୂଚନା ଦେଇଛନ୍ତି। ଉକ୍ତ ପଞ୍ଚାୟତ ରେ କେନ୍ଦ୍ରିୟ ଅର୍ଥ କମିଶରୁ ମିଳିଥିବା ଅନୁଦାନ ରୁ ୧୩ ଲକ୍ଷ ୯୧ହଜାର୯୧୭ ଟଙ୍କା ହେରଫେର ଅଭିଯୋଗ ଆସିବା ପରେ ସରପଞ୍ଚ ଙ୍କ ବିରୋଧରେ ଏ ଭଳି କାର୍ଯ୍ୟାନୁଷ୍ଠାନ ନିଆଯାଇଛି।