ବାତ୍ୟା ୟାସ ପାଇଁ ପ୍ରଶାସନର ତତ୍ପରତା |ମହାମାରୀ କରୋନା କବଳରେ ହନ୍ତସନ୍ତ ହେଉଛି ସମଗ୍ର ବିଶ୍ୱ | ଏଥିରେ ହାହାକାର କରୁଥିବା ମଣିଷ ଉପରେ ପଡିଛି ଆଉ ଏକ ପ୍ରାକୃତିକ ବିପର୍ଯ୍ୟାୟ | ତେଣୁ ଏକ ପଟେ ମହାମାରୀ କରୋନା ଆଉ ଏକ ପଟେ ଓଡିଶାରେ ବିପର୍ଯ୍ୟାୟ ବାତ୍ୟା | ବଙ୍ଗୋପସାଗରରେ ସୃଟି ହୋଇଥିବା ଝଡ ୟାସ ଧୀରେ ଧୀରେ ସ୍ଥଳଭାଗକୁ ମୁହାଁଉଛି | ଏହା ଆସନ୍ତା କାଲି 26 ତାରିଖ ଲ୍ୟାଣ୍ଡ ଫଲ କରିବାକୁ ଥିବାବେଳେ ତାପୁର୍ବରୁ ଆରମ୍ଭ ହୋଇଯାଇଛି ପବନ ସାଙ୍ଗକୁ ବର୍ଷା | ଏହାକୁ ନଜରରେ ରଖି ପ୍ରଶାସନ ପ୍ରସ୍ତୁତି ଜାରିରଖିଛି | ଆଜି କେନ୍ଦ୍ରାପଡା ଜିଲା ମହାକାଳପଡା ବ୍ଲକର ପେଟଛେଲା ପଞ୍ଚାୟତରେ ଲୋକମାନଙ୍କୁ ସୁରଖିତ ସ୍ଥାନକୁ ସ୍ଥାନାନ୍ତରିତ କରାଯାଇ ସେଠାରେ ସୁଖିଲା ଖାଦ୍ୟ ଓ ପିଇବା ପାଣିର ବ୍ୟବସ୍ଥା କରାଯାଇଥିବା ବେଳେ ରୋଷେଇ କରି ମଧ୍ୟ ଆଶ୍ରୟ ସ୍ଥଳରେ ଖାଇବାକୁ ଦେବାର ବ୍ୟବସ୍ଥା କରାଯାଇଛି | ଆଶ୍ରୟ ସ୍ଥଳରେ ଯେପରି କରୋନା ସଂକ୍ରମଣ ନ ହେବ ସେଥିପାଇଁ ଆଶ୍ରୟସ୍ଥଳରେ ମାସ୍କ, ସାନିଟାଇଜର ବ୍ୟବସ୍ଥା ସାଙ୍ଗକୁ ସାମାଜିକଦୁରତା ପ୍ରତି ତୀଖ୍ଣ ନଜର ରଖାଯାଇଛି | କୋଚିଳା ଗ୍ରାମର ବଜ୍ରମହାକାଳୀ ହାଇସ୍କୁଲରେ ଲୋକମାନଙ୍କୁ ରଖାଯାଇଛି ଓ ସରପଞ୍ଚ ଗୌରୀ ମାଇତି ନିଜେ ତଦାରଖ କରୁଥିବା ବେଳେ ଲୋକମାନେ ସହଯୋଗ କରୁଛନ୍ତି | କେନ୍ଦ୍ରାପଡାର ରୁ :-ସୁରେନ୍ଦ୍ର ଜେନାଙ୍କ ରିପୋର୍ଟ କ୍ରାନ୍ତୀ ଖଡୁ |